З нядаўнага часу ў беларусаў Калінінграда зьявілася магчымасьць наведваць беларускія грэка-каталіцкія багаслужбы. У 2010 годзе там была заснавана парафія, якую назвалі ў гонар сьв. Еўфрасіньні Полацкай, Апякункі Беларусі. Пра гэта паведаміў сябра Калінінградзкага рэгіянальнага грамадзкага аб’яднаньня “Беларускае таварыства культуры” Расьціслаў Шаховіч. 
4–6 сакавіка 2011 г. у касьцёле сьв. Сымона і сьв. Алены ў Менску праходзіла ІІІ Канферэнцыя царкоўных рухаў і супольнасьцяў. Арганізатарам мерапрыемства выступіла МДЕ «Каштоўная пярліна» руху «Сьвятло — Жыцьцё». 
Іншым поглядам глянуць на людзей з абмежаванымі магчымасьцямі прапануюць арганізатары Сусьветнага Дня моладзі 2011 г. у Мадрыдзе. Для гэтага яны абвясьцілі для моладзі з усіх куткоў сьвету фотаконкурс “Няпоўнаспраўныя ў жыцьці Царквы”. 
Пра славянскіх апосталаў сьвятых Кірылу і Мятода, а таксама кірыла-мятодаўскую спадчыну распавядае ў праграме "Na Progu Wiary" ("На парозе веры") для польскай тэлевізіі архімандрыт Сяргей Гаек, Апостальскі Візітатар Беларускай Грэка-Каталіцкай Царквы. 
З 22 па 23 лютага 2010 году ў Брухавічах, каля Львова, у рэкалекцыйным доме Львоўскай Архіяпархіі Ўкраінскай Грэка-Каталіцкай Царквы,адбылася сустрэча ўкраінскіх каталіцкіх біскупаў лацінскага і візантыйскага абрадаў. Пасяджэньні праходзілі пад старшынствам Адміністратара УГКЦ Архібіскупа Львоўскага Ігара Возьняка і Старшыні Канферэнцыі Рыма-Каталіцкіх Біскупаў Украіны Архібіскупа Мітрапаліта Львоўскага Мечыслава Макшыцкага. “Новыя рэлігійныя плыні і рухі: украінскі кантэкст” – такой была асноўная тэма дыскусіяў украінскіх ярархаў. Таксама яны абмяркавалі пытаньні падрыхтоўкі да беатыфікацыі Слугі Божага Яна Паўла ІІ і адзначэньня 10- й гадавіны яго пілігрымкі ва Ўкраіну. 
“Пахаваныя з Хрыстом у хрышчэньні, у Ім вы разам таксама і ўваскрэсьлі” - гэты ўрывак з пасланьня сьвятога апостала Паўла да Каласянаў (пар. Кал 2, 12), зьяўляецца тэмаю Пасланьня Папы Бенядыкта XVI на Вялікі пост 2011 году. Прэзентацыя гэтага пасланьня, якую ўзначаліў кардынал Роберт Сарах, Прэзідэнт Папскай Рады “Cor Unum”, адбылася 22 лютага 2011 году ў прэс-цэнтры Ватыкану. 
Пра абяцаньне кубінскіх уладаў вызваліць сем апазіцыйных дзеячоў паведаміла Гаванская рыма-каталіцкая архіяпархія. 19 лютага 2011 г. адзін з іх ужо выйшаў з турмы і вярнуўся ў свой родны дом: 39-гадовы Іван Эрнандэс Карыльё, журналіст і абаронца правоў чалавека. Ён быў асуджаны на 25 гадоў пазбаўленьня волі ў 2003 годзе. 
У царкву стала ходзіць невялікая колькасьць людзей, а наведваньне храмаў па вялікіх сьвятах ня сьведчыць пра рэлігійнасьць беларусаў. Хутчэй, гэта сьведчыць пра наш кансерватызм, а можа нават пра забабоннасьць… Пра тое, ці рэлігійная мы нацыя, у размове з Еўрарадыё разважае філосаф Уладзімір Мацкевіч. 
«У часы, калі Ўкраіна імкліва апускалася ў карнавал ўлада- і срэбралюбства, калі на арэну выйшаў чалавек карысьці, Гасподзь паслаў нам кіраўніком чалавека малітвы - homo orans. Каб грэх ня стаў неаспрэчным законам нашага жыцьця. Каб памнажалася колькасць тых, хто будзе маліцца за гэты добры, але няшчасны народ». Так пракаментаваў віцэ-рэктар Украінскага каталіцкага ўніверсітэту, прэзідэнт Інстытуту рэлігіі і грамадзтва УКУ Міраслаў Марыновіч місію Яго Блаславенства Любаміра (Гузара) на пасадзе Зьверхніка УГКЦ. 
Галоўная 
Навіны за 2011 год
Па пытаньнях арганізацыі зьвяртайцеся да каардынатара: Яўгенія Буракова, тел. +375 29 3691280.
Гл. таксама:
30 гадоў таму выйшаў першы нумар часопісу «Унія»
Як разьвіваўся беларускі біблійны пераклад?
Душпастырская праграма візіту ў Беларусь Сакратара Кангрэгацыі Ўсходніх Цэркваў
Ірына Дубянецкая: Беларусь 1000 гадоў жыве бяз Бібліі
Летнік “На шляху да беларускай Бібліі”
Навіны за 2011 год
25.02.2011
Семінары “Герменэўтыка. Чытаньне Бібліі”
Агенцыя гуманітарных тэхналогіяў і ГА “Центр сацыяльных інавацыяў” запрашае да ўдзелу ў семінарах доктара багаслоўя (PhD, STD) Ірыны Дубянецкай “Герменэўтыка. Чытаньне Бібліі”. Семінары будуць праходзіць у Менску кожную сераду на Падворку АГТ-ЦСІ. Пачатак 2 сакавіка, 2011 г., 18.30.
Што такое тэкст? Чым ён ёсьць для аўтара і чым – для чытача? Што большае (або хто большы), тэкст ці яго аўтар, твор ці творца? Каторы з іх больш уплывае на няспынны працэс станаўленьня, разьвіцьця й трансфармацыі асобы, культуры або соцыюму? Ці можа ў тэксьце зьмясьціцца сусьвет, які аўтар сьвядома не ствараў? Ці можа чытач разумець тэкст лепш за аўтара? Ці можа сам акт чытаньня надаваць тэксту сэнс? Бо самое жыцьцё ёсьць тэкстам, які кожны жывы і расчытвае, і піша – кожны з сваімі памылкамі ды азарэньнямі, кожны – у сваім непаўторным стылі? Як інтэрпрэтацыя жыцьцёвага досьведу (індывідуальнага, культурнага, цывілізацыйнага ці рэлігійнага) узаемадзейнічае з інтэрпрэтацыяй тэксту? Зразумець тэкст – значыць зразумець нешта істотнае і пра сябе, і пра свой досьвед, а значыцца, атрымаць магчымасьць нешта істотнае ацаніць, узважыць, зрушыць, зьмяніць.
Герменэўтыка – гэта навука інтэрпрэтацыі тэксту і мастацтва інтэрпрэтацыі тэксту.
Прапанаваны курс знаёміць з прынцыпамі гэрменэўтыкі найперш праз паглыбленьне ў шматлікія пласты пераплеценых сэнсаў фундамэнтальнага культуратворчага тэксту – Бібліі. Біблія – без сумневу самы інтэрпрэтаваны тэкст (ці, дакладней, корпус тэкстаў) нашае цывілізацыі, на інтэрпрэтацыях якога ўзьнікалі й узьнікаюць шматлікія духоўныя, інтэлектуальныя ды грамадзкія інстытуцыі, школы й традыцыі і які, аднак, не спыняе ўражваць і натхняць усё новыя пакаленьні дасьледчыкаў. Праца з біблейскімі ўрыўкамі дасьць магчымасьць удзельнікам курсу ацаніць мастацкае багацьце, метафорыку й сэнсавую шматмернасьць тэкстаў, іх гістарычна-культурную ды духоўную значнасьць, а таксама й комплекснасьць тэксталагічных, лінгвістычных, гістарычных, багаслоўскіх і інш. праблем іх вывучэньня, што часам мяжуе з немагчымасьцю абгрунтаванага ўзнаўленьня, адэкватнага разуменьня або задавальняльнае інтэрпрэтацыі аўтэнтычнага тэксту.
Для ўдзелу ў семінары неабходна даслаць ліст (да 1 сакавіка) на адрас evgrande@yandex.ru з наступнай інфармацыяй:
Герменэўтыка – гэта навука інтэрпрэтацыі тэксту і мастацтва інтэрпрэтацыі тэксту.
Прапанаваны курс знаёміць з прынцыпамі гэрменэўтыкі найперш праз паглыбленьне ў шматлікія пласты пераплеценых сэнсаў фундамэнтальнага культуратворчага тэксту – Бібліі. Біблія – без сумневу самы інтэрпрэтаваны тэкст (ці, дакладней, корпус тэкстаў) нашае цывілізацыі, на інтэрпрэтацыях якога ўзьнікалі й узьнікаюць шматлікія духоўныя, інтэлектуальныя ды грамадзкія інстытуцыі, школы й традыцыі і які, аднак, не спыняе ўражваць і натхняць усё новыя пакаленьні дасьледчыкаў. Праца з біблейскімі ўрыўкамі дасьць магчымасьць удзельнікам курсу ацаніць мастацкае багацьце, метафорыку й сэнсавую шматмернасьць тэкстаў, іх гістарычна-культурную ды духоўную значнасьць, а таксама й комплекснасьць тэксталагічных, лінгвістычных, гістарычных, багаслоўскіх і інш. праблем іх вывучэньня, што часам мяжуе з немагчымасьцю абгрунтаванага ўзнаўленьня, адэкватнага разуменьня або задавальняльнае інтэрпрэтацыі аўтэнтычнага тэксту.
Для ўдзелу ў семінары неабходна даслаць ліст (да 1 сакавіка) на адрас evgrande@yandex.ru з наступнай інфармацыяй:
• прозьвішча і імя ўдзельніка,
• месца працы ці навучаньня,
• кароткі расповед аб Вашай зацікаўленнасьці ці чаканьнях,
• кантактныя тэлефоны і e-mail.
• месца працы ці навучаньня,
• кароткі расповед аб Вашай зацікаўленнасьці ці чаканьнях,
• кантактныя тэлефоны і e-mail.
Па пытаньнях арганізацыі зьвяртайцеся да каардынатара: Яўгенія Буракова, тел. +375 29 3691280.
Гл. таксама:
30 гадоў таму выйшаў першы нумар часопісу «Унія»
Як разьвіваўся беларускі біблійны пераклад?
Душпастырская праграма візіту ў Беларусь Сакратара Кангрэгацыі Ўсходніх Цэркваў
Ірына Дубянецкая: Беларусь 1000 гадоў жыве бяз Бібліі
Летнік “На шляху да беларускай Бібліі”
Гэты артыкул чыталі 261 разоў (-ы)
