У амбасадзе Славакіі пры Сьвятым Пасадзе ў Рыме 10 чэрвеня 2014 году адбылася прэзентацыя актаў сімпозіюму на тэму «Сьвятыя Кірыла і Мятод сярод славянскіх народаў: 1150 гадоў ад пачатку місіі» — паведамляе Katolik.ru. Сам гэты сімпозіюм праходзіў у лютым 2013 году ў Папскім Усходнім інстытуце. 
25 траўня 2014 году ў памяшканьні Апостальскай дэлегатуры ў Ерусаліме адбылася прыватная сустрэча паміж Папам Францішкам і Патрыярхам Барталамеем І. Яе вынікам стала абвяшчэньне сумеснай дэкларацыі, якая складаецца з дзесяці пунктаў — паведамляе Беларуская рэдакцыя Ватыканскага радыё. 
Інтэрв’ю грэка-каталіцкага сьвятара з Менску айца Яўгена Ўсошына журналістцы газеты “Новы Час” Вікторыі Чаплевай пра сваё пакліканьне, шлях да сьвятарства, пра пошукі чалавекам свабоды і шчасьця. 
Пра супольнасьці беларускіх грэка-католікаў і асаблівасьці душпастырскай працы сярод іх — размова ў Беларускай рэдакцыі Ватыканскага радыё кс. Аляксандра Амяльчэні з айцом Антонам Нікалаевым, душпастырам грэка-каталіцкай парафіі Маці Божай Нястомнай Дапамогі ў Менску. 
23-25 красавіка 2014 году ў Рыме адбыўся сімпозіюм на тэму ўсходняга царкоўнага права: “Усходняе кананічнае права — 50 гадоў пасьля II Ватыканскага Сабору” — паведамляе Дэпартамент інфармацыі УГКЦ. 
Немагчыма зьмірыцца з думкай пра Блізкі Ўсход без хрысьціянаў — гэта адна з ключавых думак з прамовы Папы Францішка, з якой ён зьвярнуўся 21 лістапада 2013 году да ўдзельнікаў пленарнага паседжаньня Кангрэгацыі Ўсходніх Цэркваў. 
“У вашых асобах бачу вашыя Цэрквы і жадаю, перш за ўсё, засьведчыць сваю блізкасьць і малітвы за статак, які Госпад Ісус даверыў кожнаму з вас”, — гэтымі словамі Папа Францішак прывітаў патрыярхаў і вярхоўных архібіскупаў Усходніх Каталіцкіх Цэркваў падчас сьпецыяльнай аўдыенцыі, прысьвечанай становішчу гэтых Цэркваў. Гэтая сустрэча адбылася 21 лістапада 2013 году, у Апостальскім палацы ў Ватыкане — паведамляе Украінская служба Радыё Ватыкан. 
Апостальскі Нунцый у Беларусі архібіскуп Клаўдыё Гуджэроцьці ў нядзелю, 27 кастрычніка 2013 году, наведаў грэка-каталіцкую парафію сьвятых Кірылы і Мятода ў Баранавічах. Прадстаўнік Сьвятога Айца ўзначаліў Боскую Літургію, у якой напрыканцы Году веры былі ўзгаданы вялікія сьведкі веры Грэка-Каталіцкай Царквы. Таксама ён зьвярнуўся да ўдзельнікаў малітоўнай сінаксы з гаміліяй на тэму веры. 
У Славакіі ў Кошыцах 17-20 кастрычніка 2013 году адбылася традыцыйная штогадовая сустрэча ярархаў Усходніх Каталіцкіх Цэркваў Еўропы. Тэма, якую сёлета абмяркоўвалі ярархі, закранала пытаньні евангелізацыі культуры і інкультурацыі Евангельля ў сьвятле спадчыны сьвятых Кірылы Мятода. 
Халдэйскі Патрыярх Вавілону Луіс Рафаэль I (Сака) даслаў віншавальны ліст Патрыярху Асірыйскай Царквы Ўсходу Мар Дынху IV (Хананіі) з нагоды яго дня народзінаў, які ён адзначаў 15 верасьня. У гэтым віншавальным пасланьні, паведамляе Agenzia Fides, усходне-каталіцкі патрыярх зьвярнуўся да Зьверхніка Асірыйскай Царквы таксама з вымоўным афіцыйным запрашэньнем распачаць шлях дыялогу дзеля аднаўленьня поўнай царкоўнай сулучнасьці паміж халдэйскай хрысьціянскай Супольнасьцю, якая знаходзіцца ў еднасьці з Біскупам Рыму, і асірыйскай Супольнасьцю. 
Галоўная 
Сьвятло Ўсходу
Папа заклікаў усіх вернікаў працягваць маліцца за супакой у блізкаўсходнім рэгіёне, асабліва ў Сірыі і на Сьвятой Зямлі. А перад гэтым Сьвяты Айцец асобна сустрэўся з патрыярхамі і вярхоўнымі архібіскупамі Ўсходніх Каталіцкіх Цэркваў і пажадаў ім заўсёды рабіць выбар на карысьць саборнасьці, а таксама ўзгодненасьці ў найважнейшых пытаньнях, якія датычаць царкоўнага жыцьця.
Сьвятло Ўсходу
27.11.2013
Рымскі Архірэй перажывае за лёс усходніх католікаў
Немагчыма зьмірыцца з думкай пра Блізкі Ўсход без хрысьціянаў — гэта адна з ключавых думак з прамовы Папы Францішка, з якой ён зьвярнуўся 21 лістапада 2013 году да ўдзельнікаў пленарнага паседжаньня Кангрэгацыі Ўсходніх Цэркваў.
Папа заклікаў усіх вернікаў працягваць маліцца за супакой у блізкаўсходнім рэгіёне, асабліва ў Сірыі і на Сьвятой Зямлі. А перад гэтым Сьвяты Айцец асобна сустрэўся з патрыярхамі і вярхоўнымі архібіскупамі Ўсходніх Каталіцкіх Цэркваў і пажадаў ім заўсёды рабіць выбар на карысьць саборнасьці, а таксама ўзгодненасьці ў найважнейшых пытаньнях, якія датычаць царкоўнага жыцьця.Зьвяртаючыся да прысутных на пленарным пасяджэньні Кангрэгацыі Ўсходніх Цэркваў, Папа адзначыў, што хрысьціяне на Блізкім Усходзе “асабліва цяжка перажываюць наступствы канфліктаў”. Яны жывуць як “малы статак”, часта ва ўмовах варожасьці і ганеньняў. Сірыя, Ірак, Ягіпет, Сьвятая Зямля, як падкрэсьліў Рымскі Архірэй, “сьцякаюць сьлёзамі”: “Біскуп Рыму не супакоіцца, пакуль там будзе прыніжацца годнасьць мужчын і жанчын любой рэлігіі, людзей, якія пазбаўленыя самага неабходнага для выжываньня, у якіх скралі будучыню, якіх змушаюць стаць вандроўнікамі і ўцекачамі. Сёньня, разам з пастырамі Ўсходніх Цэркваў, мы заклікаем да павагі ўсеагульнага права на годнае жыцьцё і на вольнае спавяданьне ўласнай веры. Мы ня можам зьмірыцца з думкай пра Блізкі Ўсход без хрысьціянаў, якія ўжо дзьве тысячы гадоў вызнаюць там імя Ісуса і як паўнапраўныя грамадзяне далучаныя а грамадзкага, культурнага і рэлігійнага жыцьця сваёй нацыі”.
Папа Францішак падкрэсьліў, што кожны католік многім абавязаны Ўсходнім Каталіцкім Цэрквам у гэтым рэгіёне: “У іх, сярод іншага, мы можам навучыцца цярпеньню і сталасьці ў паўсядзённым жыцьці, якое нярэдка пазначана цяжкасьцямі, экуменічнаму і міжрэлігійнаму дыялогу. Сапраўды, геаграфічны, гістарычны і культурны кантэкст, у якім яны жывуць стагоддзямі, зрабіў іх натуральнымі суразмоўцамі шматлікіх хрысьціянскіх канфесіяў і іншых рэлігіяў”.
Свае словы Сьвяты Айцец скіраваў ня толькі да хрысьціянаў, але і да ўсіх народаў Блізкага Ўсходу, асабліва да “самых малых і слабых”. Папа заклікаў чуваць, падобна біблейскаму вартавому, не сумняваючыся ў тым, што Госпад не адмовіць у дапамозе: “Таму я зьвяртаюся да ўсёй Царквы з просьбай пра малітву, якая можа выпрасіць прымірэньне і супакой у міласэрнага сэрца Бога. Малітва абяззбройвае невуцтва і нараджае дыялог там, дзе адкрыты канфлікт. Калі яна будзе шчырай і нястомнай, тады надасьць нашаму голасу пакорнасьць, цьвёрдасьць і здольнасьць быць пачутым нават кіраўнікамі нацыяў”.
Папа таксама ўзгадаў пра дыяспару ўсходніх католікаў, якая прыкметна павялічылася на ўсіх кантынентах. Менавіта праблемы дыяспары знаходзяцца ў цэнтры абмеркаваньняў на гэтай пленарнай сэсіі Кангрэгацыі Ўсходніх Цэркваў. “Трэба зрабіць усё магчымае, каб рэкамендацыі II Ватыканскага сабору былі рэалізаваныя і палегчылі душпастырскую апеку як на ўласных тэрыторыях, так і ў месцах, дзе ўсходнія супольнасьці даўно ўжо ўгрунтаваліся, адначасова ўмацоўваючы сулучнасьць і братэрства з супольнасьцямі лацінскага абраду. Для гэтага трэба было б удыхнуць новае жыцьцё ва ўжо існыя органы кансультацыяў паміж асобнымі Цэрквамі і з Сьвятым Пасадам”, — сказаў Рымскі Архірэй.
Папа згадаў таксама пра ўсходнія каталіцкія супольнасьці, якія доўгі час жылі пад камуністычнай дыктатурай. Рымскі Архірэй падкрэсьліў, што разнастайнасьць, “натхнёная Сьвятым Духам, ня шкодзіць еднасьці, а служыць ёй; Сабор сьцьвярджае, што гэтая разнастайнасьць неабходная для еднасьці”.
Гл. таксама:
«Цуд яднаньня распачаўся» — фільм Супольнасьці «Chemin Neuf»
Дэлегацыя з Ватыкану перадала пасланьне Папы Царкве Канстанцінопаля
Папа: свабода слова – фундаментальная, але рэлігіі нельга абражаць
Папа Францішак: ня будзьце сумныя і не паддавайцеся роспачы, будзьце радасныя
Кім ёсьць і чаго чакаць ад новага Папы?
Гэты артыкул чыталі 112 разоў (-ы)
