Інтэрв’ю з гісторыкам і рэлігіязнаўцам Аляксеем Юдзіным пра ўкраінскіх грэка-католікаў, значэньне тэрміну «унія» і дагматычную сьпецыфіку старажытных Усходніх Цэркваў на сайце “ПостНаука”. 
Экуменічны дыялог сёньня ставіцца на адно з першых месцаў у місіі Царквы. Пра яго шмат гаворыцца і ў рамках яго шмат робіцца. Прыкладам таму нядаўні міжнародны праваслаўна-каталіцкі форум, які праходзіў у Менску 2-6 чэрвеня 2014 году. 
У амбасадзе Славакіі пры Сьвятым Пасадзе ў Рыме 10 чэрвеня 2014 году адбылася прэзентацыя актаў сімпозіюму на тэму «Сьвятыя Кірыла і Мятод сярод славянскіх народаў: 1150 гадоў ад пачатку місіі» — паведамляе Katolik.ru. Сам гэты сімпозіюм праходзіў у лютым 2013 году ў Папскім Усходнім інстытуце. 
25 траўня 2014 году ў памяшканьні Апостальскай дэлегатуры ў Ерусаліме адбылася прыватная сустрэча паміж Папам Францішкам і Патрыярхам Барталамеем І. Яе вынікам стала абвяшчэньне сумеснай дэкларацыі, якая складаецца з дзесяці пунктаў — паведамляе Беларуская рэдакцыя Ватыканскага радыё. 
Інтэрв’ю грэка-каталіцкага сьвятара з Менску айца Яўгена Ўсошына журналістцы газеты “Новы Час” Вікторыі Чаплевай пра сваё пакліканьне, шлях да сьвятарства, пра пошукі чалавекам свабоды і шчасьця. 
Пра супольнасьці беларускіх грэка-католікаў і асаблівасьці душпастырскай працы сярод іх — размова ў Беларускай рэдакцыі Ватыканскага радыё кс. Аляксандра Амяльчэні з айцом Антонам Нікалаевым, душпастырам грэка-каталіцкай парафіі Маці Божай Нястомнай Дапамогі ў Менску. 
23-25 красавіка 2014 году ў Рыме адбыўся сімпозіюм на тэму ўсходняга царкоўнага права: “Усходняе кананічнае права — 50 гадоў пасьля II Ватыканскага Сабору” — паведамляе Дэпартамент інфармацыі УГКЦ. 
Немагчыма зьмірыцца з думкай пра Блізкі Ўсход без хрысьціянаў — гэта адна з ключавых думак з прамовы Папы Францішка, з якой ён зьвярнуўся 21 лістапада 2013 году да ўдзельнікаў пленарнага паседжаньня Кангрэгацыі Ўсходніх Цэркваў. 
“У вашых асобах бачу вашыя Цэрквы і жадаю, перш за ўсё, засьведчыць сваю блізкасьць і малітвы за статак, які Госпад Ісус даверыў кожнаму з вас”, — гэтымі словамі Папа Францішак прывітаў патрыярхаў і вярхоўных архібіскупаў Усходніх Каталіцкіх Цэркваў падчас сьпецыяльнай аўдыенцыі, прысьвечанай становішчу гэтых Цэркваў. Гэтая сустрэча адбылася 21 лістапада 2013 году, у Апостальскім палацы ў Ватыкане — паведамляе Украінская служба Радыё Ватыкан. 
Апостальскі Нунцый у Беларусі архібіскуп Клаўдыё Гуджэроцьці ў нядзелю, 27 кастрычніка 2013 году, наведаў грэка-каталіцкую парафію сьвятых Кірылы і Мятода ў Баранавічах. Прадстаўнік Сьвятога Айца ўзначаліў Боскую Літургію, у якой напрыканцы Году веры былі ўзгаданы вялікія сьведкі веры Грэка-Каталіцкай Царквы. Таксама ён зьвярнуўся да ўдзельнікаў малітоўнай сінаксы з гаміліяй на тэму веры. 
Галоўная 
Сьвятло Ўсходу
Арганізатарамі сімпозіюму былі рымскія вышэйшыя навучальныя ўстановы: Папскі Ўсходні інстытут (PIO) і Папскі ўніверсітэт сьвятога Тамаша Аквінскага (Angelicum).
Гл. таксама:
Сустрэча ярархаў Усходніх Каталіцкіх Цэркваў Еўропы ў Будапешце. Заключны прэс-рэліз
Ярархі Ўсходніх Каталіцкіх Цэркваў: разьдзяленьне Царквы Хрыстовай — анамалія, якую нельга лічыць нормай жыцьця
Усходнія Каталіцкія Цэрквы павінны быць актыўнымі ўдзельнікамі дыялогу праўды і любові
Ярархі Ўсходніх Каталіцкіх Цэркваў Еўропы сустрэліся ў Львове
Архібіскуп Кірыла (Васіль): на беларускай зямлі сустракаецца Ўсход і Захад
Сьвятло Ўсходу
06.05.2014
Сімпозіюм на тэму ўсходняга кананічнага права ў Рыме
23-25 красавіка 2014 году ў Рыме адбыўся сімпозіюм на тэму ўсходняга царкоўнага права: “Усходняе кананічнае права — 50 гадоў пасьля II Ватыканскага Сабору” — паведамляе Дэпартамент інфармацыі УГКЦ.
Арганізатарамі сімпозіюму былі рымскія вышэйшыя навучальныя ўстановы: Папскі Ўсходні інстытут (PIO) і Папскі ўніверсітэт сьвятога Тамаша Аквінскага (Angelicum).Падчас навуковых паседжаньняў у Рыме ўдзельнікі, дакладчыкі і слухачы сімпозіюму сваю ўвагу засяродзілі на вывучэньні дактрыны II Ватыканскага Сабору, якая стала ў пазьней адной з асноўных крыніцаў у рэдагаваньні новага каталіцкага царкоўнага заканадаўства (Кодэксу кананічнага права, абвешчанага ў 1983 г., і Кодэксу канонаў Усходніх Цэркваў, абвешчанага ў 1990 г.).
Акрамя вывучэньня саборных дакументаў, багасловы засяродзілі сваю ўвагу на тым, як рэалізуюцца правы Ўсходніх Каталіцкіх Цэркваў пасьля абвяшчэньня гэтых дакументаў.
Навуковыя даклады, хоць і былі рознай тэматыкі, але ўсё ж змаглі паказаць тыя ўчасткі з жыцьця Ўсходніх Каталіцкіх Цэркваў, якія патрабуюць і сёньня большага вывучэньня і тлумачэньня. Тэмы датычылі экуменічных адносінаў, а менавіта: шлюб паміж каталіцкім бокам і вернікам, які належыць да Праваслаўнай Царквы або пратэстанцкай супольнасьці. Гаворка ішла таксама пра магчымасьць для праваслаўнага верніка прыступаць да сьвятых тайнаў Пакаяньня і Еўхарыстыі ў Каталіцкай Царкве, пра захаваньне ўласнага абраду ўсімі ўсходнімі вернікамі ў новых месцах, дзе яшчэ няма ерархічных структураў уласнай Царквы, пра права і абавязак Зьверхнікаў Усходніх Каталіцкіх Цэркваў, якія пакліканы дапамагаць вернікам захоўваць уласную царкоўную ідэнтычнасьць на новых пасяленьнях, пра царкоўныя стасункі паміж рознымі Цэрквамі свайго права, якія выконваюць сваё служэньне на адной нацыянальнай тэрыторыі, пра значэньне і задачы Сіноду біскупаў патрыяршай Царквы, пра разьвіцьцё і сучасны стан Украінскай Грэка-Каталіцкай Царквы, Грэка-Каталіцкай Царквы ў Славакіі і Венгрыі і г.д.
Ад Украінскай Грэка-Каталіцкай Царквы ўдзельнікамі на сімпозіюме ў Рыме былі два прадстаўнікі: намесьнік начальніка кананічнага аддзелу Патрыяршай курыі а. Андрэй Танасійчук, які зьяўляецца таксама выкладчыкам усходняга права ў Вянецыі, і прыват-дацэнт д-р Томас Марк Немет, дырэктар інстытуту Ўсходніх Цэркваў пры ўніверсітэце Вюрцбургу і дацэнт гісторыі Ўсходніх Цэркваў і экуменічнага багаслоўя на факультэце тэалогіі ўніверсітэту Вюрцбургу (Нямеччына).
Д-р Томас Марк Немет прачытаў на сімпозіюме даклад на тэму «Украінская Грэка-Каталіцкая Царква як “поўная” Царква свайго права ў сьвятле яе апошняга структурнага разьвіцьця.
Гл. таксама:
Сустрэча ярархаў Усходніх Каталіцкіх Цэркваў Еўропы ў Будапешце. Заключны прэс-рэліз
Ярархі Ўсходніх Каталіцкіх Цэркваў: разьдзяленьне Царквы Хрыстовай — анамалія, якую нельга лічыць нормай жыцьця
Усходнія Каталіцкія Цэрквы павінны быць актыўнымі ўдзельнікамі дыялогу праўды і любові
Ярархі Ўсходніх Каталіцкіх Цэркваў Еўропы сустрэліся ў Львове
Архібіскуп Кірыла (Васіль): на беларускай зямлі сустракаецца Ўсход і Захад
Гэты артыкул чыталі 67 разоў (-ы)
