Пакуль ты жывы і дыханне ў табе, не замяняе
сябе нікім, бо лепей, каб дзеці прасілі цябе,
чым табе глядзець у рукі сыноў тваіх
(Кніга Прамудрасці Ісуса, сына Сірахова 23:21-22)
Як разьвіваўся беларускі біблійны пераклад? Улетку госьцем Беларускай бібліятэкі і музею імя Францішка Скарыны ў Лондане быў ксёндз Сяргей Сурыновіч, пробашч парафіі Сьвятой Тройцы ў мястэчку Друя, што на мяжы з Латвіяй. Ксёндз Сурыновіч — біблеіст, вядомы сваімі дасьледаваньнямі ў галіне біблійных перакладаў, а таксама публіцыст і паэт. Мы распыталі яго пра мэты візіту і яго вынікі. Яго адказы зьдзівілі і парадавалі.
28.06.2015
Падзяляючы спадчыну Скарыны Ці варта дзяліць спадчыну Францішка Скарыны ці лепш яе падзяляць? Ці можам мы з вышыні ХХІ стагоддзя правільна разумець падзеі 500-гадовай даўніны? Пра гэта разважае каталіцкі сьвятар ксёндз Сяргей Сурыновіч.
Сьвяты Дух перамагае рознагалосьсі і будуе еднасьць Захоўваць і абараняць царкоўную еднасьць — дар Сьвятога Духа, Які яднае шматлікіх вернікаў у адзінае цела, цела Хрыста заклікаў вернікаў Папа Францішак 29 лістапада 2014 году падчас Сьвятой Імшы ў каталіцкай катэдры Стамбула. Разам з Сьвятым Айцом тады маліліся праваслаўны Патрыярх Барталамей I, а таксама духаваенства і вернікі чатырох каталіцкіх абрадаў і прадстаўнікі іншых хрысьціянскіх Цэркваў Турцыі.
08.12.2014
Папа схіліўся перад патрыярхам, просячы блаславеньня 28-30 лістапада 2014 году Папа Францішак зьдзейсьніў падарожжа ў Турцыю. Падчас экуменічнай малітвы ў катэдральнай царкве сьв. Георгія ў рэзідэнцыі Канстанцінопальскага патрыярха ў Стамбуле 29 лістапада 2014 году Біскуп Рыму схіліўся перад Патрыярхам Барталамеем I і папрасіў яго пра блаславеньне для яго і для Рымскай Царквы.
Уніі практыкаваліся ў гісторыі практычна ўсіх Цэркваў Інтэрв’ю з гісторыкам і рэлігіязнаўцам Аляксеем Юдзіным пра ўкраінскіх грэка-католікаў, значэньне тэрміну «унія» і дагматычную сьпецыфіку старажытных Усходніх Цэркваў на сайце “ПостНаука”.
Айцец Сяргей Стасевіч: найперш важная сутнасьць сьвята Вялікадня
Пра розныя календары і метады вылічэньня даты Вялікадня Беларускае Радыё Рацыя пагутарыла з сьвятаром Беларускай каталіцкай місіі ў Лондане айцом Сяргеем Стасевічам.
— Айцец Сяргей, беларускія грэка-каталікі адзначаюць Вялікдзень паводле грыгарыянскага календара, а вось, напрыклад, украінскія грэка-каталікі — паводле юльянскага. Як так сталася?
Беларускі грэка-каталіцкі сьвятар а. Сяргей Стасевіч з Лондану.— Справа ў тым, што першыя грэка-каталіцкія календары, якія патрапілі ў Беларусь з Захаду, былі зробленыя для нашай місіі ў Лондане, якая ад самога пачатку сьвяткавала Вялікдзень разам з Заходняй Царквою, паводле грыгарыянскай пасхаліі. Такім чынам, праз такую практычную рэч, у нас, можна так сказаць, «завёўся» новы стыль.
— Ці ставілася ўмова пераводу беларускіх вернікаў на грыгарыянскі каляндар падчас падпісаньня царкоўнай Уніі ў Берасьці? Паводле якога календара ў ранейшыя часы адзначалі Вялікдзень беларускія ўніяты? Ці захаваліся нейкія зьвесткі?
— Беларусы заўсёды сьвяткавалі паводле юльянскага календара. Не было такой умовы ў Берасьцейскай Уніі і быць не магло, таму што калі б такая ўмова падпісаньня Уніі была, ніхто б яе не прыняў.
Хацеў бы дадаць некалькі словаў пра календары, пра пасхаліі. Я ня думаю, што гэта вялікая праблема, калі сьвяткаваць Вялікдзень: ці разам з Заходняй Царквою, ці разам з большасьцю Ўсходніх Цэркваў. Усё ж такі пасхаліі і календары — гэта справа чалавечая. Яны могуць мяняцца. Самае галоўнае — гэта тыя праўды, якія мы пераказваем, тое, што пазачасавае. А каляндар, ён вымярае за сабой час. У Бога няма часу.
— Вы ўзгадалі, што большасьць Усходніх Цэркваў прытрымліваецца юльянскага календара. То бок большасьць, але ня ўсе. Напрыклад, беларускія грэка-каталікі карыстаюцца грыгарыянскім календаром. А што датычыць Праваслаўных Цэркваў, ці ва ўсіх краінах Вялікдзень адзначаецца паводле юльянскага календара?
— У некаторых Праваслаўных Цэрквах ёсьць грыгарыянскі каляндар, напрыклад, у Румыніі. У некаторых ёсьць такая практыка так званага неаюльянскага календара. Гэта калі сьвяты нерухомыя, такія як Божае Нараджэньне (Каляды), Дабравешчаньне сьвяткуюцца паводле новага, так бы мовіць, грыгарыянскага календара, а сьвяты рухомыя, зьвязаныя з Вялікаднем — паводле Усходняй, юльянскай пасхаліі. Гэта называецца неаюльянскі каляндар. Магчыма, трохі заблытана гучыць для непасьвечаных, але ёсьць такія мадэлі. Ёсьць палавінчатая мадэль — неаюльянскі каляндар, ёсьць юльянскі, ёсьць грыгарыянскі. Незалежна ад канфесійнай прыналежнасьці, ці то каталікі, ці ўсходнія каталікі, ці праваслаўныя, Цэрквы маюць такія календары. Вось напрыклад, Румынія: грэка-каталікі маюць юльянскі каляндар, праваслаўныя — грыгарыянскі.
— Ці ёсьць такая магчымасьць, што дата адзначэньня Вялікадня калісьці стане нерухомай?
— Ад самога пачатку было зроблена так, што гэта дата рухомая, таму што там ёсьць свае складаныя прынцыпы вылічэньня Вялікадня. Як Вам сказаць, гэта дата сымбалічная. Калі мы ўсьведамляем, што галоўнае — гэта сэнс, які стаіць за ёй, а ня сам прамежак часу, у які гэта адбылося, вось тады ўсё становіцца на свае месцы. Хрыстос памёр і ўваскрос пазачасава, па-за прасторай і па-за месцам, паколькі Ён — Збавіцель усіх людзей, усяго чалавецтва. Вось гэта наша хрысьціянскае сьведчаньне сьвету.
— То бок усе хрысьціяне незалежна ад канфесіі, календара маюць яднацца ў радасьці гэтага сьвята, бо ўсё астатняе — досыць сымбалічна?
— Менавіта. Усё астатняе — другаснае. Усе гэтыя рэчы былі абумоўлены гісторыяй, нават разьвіцьцём астранамічных ведаў, таму што, як мы ведаем, грыгарыянская рэформа календара надышла ў сувязі з разьвіцьцём тагачасных навуковых ведаў. Усё гэта — рэчы людзкія, і яны не павінны нас разьядноўваць, таму што мы верым у аднаго ўваскрослага Хрыста.
Улетку госьцем Беларускай бібліятэкі і музею імя Францішка Скарыны ў Лондане быў ксёндз Сяргей Сурыновіч, пробашч парафіі Сьвятой Тройцы ў мястэчку Друя, што на мяжы з Латвіяй. Ксёндз Сурыновіч — біблеіст, вядомы сваімі дасьледаваньнямі ў галіне біблійных перакладаў, а таксама публіцыст і паэт. Мы распыталі яго пра мэты візіту і яго вынікі. Яго адказы зьдзівілі і парадавалі. 
Ці варта дзяліць спадчыну Францішка Скарыны ці лепш яе падзяляць? Ці можам мы з вышыні ХХІ стагоддзя правільна разумець падзеі 500-гадовай даўніны? Пра гэта разважае каталіцкі сьвятар ксёндз Сяргей Сурыновіч. 
Чым ёсьць сёньня Ўніяцкая Царква ў Беларусі? Часьцей за ўсё — гэта «нешта памятаю з гісторыі» альбо «а што, яна яшчэ існуе?» Яна існуе і нават функцыянуе, адрадзіўшыся ўжо вось як дваццаць пяць гадоў. 
Якімі былі апошнія дні духоўнага лідара беларусаў сьвету? «Наша Ніва» пагаварыла з людзьмі, якія былі блізкія да айца. 
Пра розныя календары і метады вылічэньня даты Вялікадня Беларускае Радыё Рацыя пагутарыла з сьвятаром Беларускай каталіцкай місіі ў Лондане айцом Сяргеем Стасевічам. 
Захоўваць і абараняць царкоўную еднасьць — дар Сьвятога Духа, Які яднае шматлікіх вернікаў у адзінае цела, цела Хрыста заклікаў вернікаў Папа Францішак 29 лістапада 2014 году падчас Сьвятой Імшы ў каталіцкай катэдры Стамбула. Разам з Сьвятым Айцом тады маліліся праваслаўны Патрыярх Барталамей I, а таксама духаваенства і вернікі чатырох каталіцкіх абрадаў і прадстаўнікі іншых хрысьціянскіх Цэркваў Турцыі. 
28-30 лістапада 2014 году Папа Францішак зьдзейсьніў падарожжа ў Турцыю. Падчас экуменічнай малітвы ў катэдральнай царкве сьв. Георгія ў рэзідэнцыі Канстанцінопальскага патрыярха ў Стамбуле 29 лістапада 2014 году Біскуп Рыму схіліўся перад Патрыярхам Барталамеем I і папрасіў яго пра блаславеньне для яго і для Рымскай Царквы. 
23-26 кастрычніка ў Львове адбылася штогадовая Сустрэча ўсходніх каталіцкіх ярархаў Еўропы, падчас якой абмяркоўвалася місія і роля Ўсходніх Каталіцкіх Цэркваў у экуменічным дыялогу. Па яе завяршэньні біскупы прынялі Зварот, у якім, у прыватнасьці, адзначылі ўклад Усходніх Каталіцкіх Цэркваў у справу экуменізму. 
Інтэрв’ю з гісторыкам і рэлігіязнаўцам Аляксеем Юдзіным пра ўкраінскіх грэка-католікаў, значэньне тэрміну «унія» і дагматычную сьпецыфіку старажытных Усходніх Цэркваў на сайце “ПостНаука”. 
Экуменічны дыялог сёньня ставіцца на адно з першых месцаў у місіі Царквы. Пра яго шмат гаворыцца і ў рамках яго шмат робіцца. Прыкладам таму нядаўні міжнародны праваслаўна-каталіцкі форум, які праходзіў у Менску 2-6 чэрвеня 2014 году. 
Сьвятло Ўсходу
