Інтэрв’ю з гісторыкам і рэлігіязнаўцам Аляксеем Юдзіным пра ўкраінскіх грэка-католікаў, значэньне тэрміну «унія» і дагматычную сьпецыфіку старажытных Усходніх Цэркваў на сайце “ПостНаука”. 
Экуменічны дыялог сёньня ставіцца на адно з першых месцаў у місіі Царквы. Пра яго шмат гаворыцца і ў рамках яго шмат робіцца. Прыкладам таму нядаўні міжнародны праваслаўна-каталіцкі форум, які праходзіў у Менску 2-6 чэрвеня 2014 году. 
У амбасадзе Славакіі пры Сьвятым Пасадзе ў Рыме 10 чэрвеня 2014 году адбылася прэзентацыя актаў сімпозіюму на тэму «Сьвятыя Кірыла і Мятод сярод славянскіх народаў: 1150 гадоў ад пачатку місіі» — паведамляе Katolik.ru. Сам гэты сімпозіюм праходзіў у лютым 2013 году ў Папскім Усходнім інстытуце. 
25 траўня 2014 году ў памяшканьні Апостальскай дэлегатуры ў Ерусаліме адбылася прыватная сустрэча паміж Папам Францішкам і Патрыярхам Барталамеем І. Яе вынікам стала абвяшчэньне сумеснай дэкларацыі, якая складаецца з дзесяці пунктаў — паведамляе Беларуская рэдакцыя Ватыканскага радыё. 
Інтэрв’ю грэка-каталіцкага сьвятара з Менску айца Яўгена Ўсошына журналістцы газеты “Новы Час” Вікторыі Чаплевай пра сваё пакліканьне, шлях да сьвятарства, пра пошукі чалавекам свабоды і шчасьця. 
Пра супольнасьці беларускіх грэка-католікаў і асаблівасьці душпастырскай працы сярод іх — размова ў Беларускай рэдакцыі Ватыканскага радыё кс. Аляксандра Амяльчэні з айцом Антонам Нікалаевым, душпастырам грэка-каталіцкай парафіі Маці Божай Нястомнай Дапамогі ў Менску. 
23-25 красавіка 2014 году ў Рыме адбыўся сімпозіюм на тэму ўсходняга царкоўнага права: “Усходняе кананічнае права — 50 гадоў пасьля II Ватыканскага Сабору” — паведамляе Дэпартамент інфармацыі УГКЦ. 
Немагчыма зьмірыцца з думкай пра Блізкі Ўсход без хрысьціянаў — гэта адна з ключавых думак з прамовы Папы Францішка, з якой ён зьвярнуўся 21 лістапада 2013 году да ўдзельнікаў пленарнага паседжаньня Кангрэгацыі Ўсходніх Цэркваў. 
“У вашых асобах бачу вашыя Цэрквы і жадаю, перш за ўсё, засьведчыць сваю блізкасьць і малітвы за статак, які Госпад Ісус даверыў кожнаму з вас”, — гэтымі словамі Папа Францішак прывітаў патрыярхаў і вярхоўных архібіскупаў Усходніх Каталіцкіх Цэркваў падчас сьпецыяльнай аўдыенцыі, прысьвечанай становішчу гэтых Цэркваў. Гэтая сустрэча адбылася 21 лістапада 2013 году, у Апостальскім палацы ў Ватыкане — паведамляе Украінская служба Радыё Ватыкан. 
Апостальскі Нунцый у Беларусі архібіскуп Клаўдыё Гуджэроцьці ў нядзелю, 27 кастрычніка 2013 году, наведаў грэка-каталіцкую парафію сьвятых Кірылы і Мятода ў Баранавічах. Прадстаўнік Сьвятога Айца ўзначаліў Боскую Літургію, у якой напрыканцы Году веры былі ўзгаданы вялікія сьведкі веры Грэка-Каталіцкай Царквы. Таксама ён зьвярнуўся да ўдзельнікаў малітоўнай сінаксы з гаміліяй на тэму веры. 
Галоўная 
Сьвятло Ўсходу
Сьвяты Айцец адзначыў, што ўпершыню ён мае магчымасьць правесьці такую сустрэчу з Айцамі і Зьверхнікамі Ўсходніх Каталіцкіх Цэркваў, і пажадаў, каб Сьвяты Дух “падказаў, чаму мы павінны навучыцца і што ўкараніць у жыцьцё, каб верна служыць Госпаду, Яго Царкве і ўсяму чалавецтву”.
Сьвятло Ўсходу
24.11.2013
Зьверхнікі Ўсходніх Каталіцкіх Цэркваў сустрэліся з Рымскім Архірэем
“У вашых асобах бачу вашыя Цэрквы і жадаю, перш за ўсё, засьведчыць сваю блізкасьць і малітвы за статак, які Госпад Ісус даверыў кожнаму з вас”, — гэтымі словамі Папа Францішак прывітаў патрыярхаў і вярхоўных архібіскупаў Усходніх Каталіцкіх Цэркваў падчас сьпецыяльнай аўдыенцыі, прысьвечанай становішчу гэтых Цэркваў. Гэтая сустрэча адбылася 21 лістапада 2013 году, у Апостальскім палацы ў Ватыкане — паведамляе Украінская служба Радыё Ватыкан.
Сьвяты Айцец адзначыў, што ўпершыню ён мае магчымасьць правесьці такую сустрэчу з Айцамі і Зьверхнікамі Ўсходніх Каталіцкіх Цэркваў, і пажадаў, каб Сьвяты Дух “падказаў, чаму мы павінны навучыцца і што ўкараніць у жыцьцё, каб верна служыць Госпаду, Яго Царкве і ўсяму чалавецтву”.Папа выказаў сваю вялікую пашану да “духоўнай спадчыны хрысьціянскага Ўсходу”. Ён адзначыў, што еднасьць з Біскупам Рыму і царкоўная сулучнасьць, якія былі самастойным выбарам Усходніх Цэркваў, сталі для іх “дарам Сьвятога Духа”. Рымскі Архірэй нагадаў, што ўсё гэта нясе за сабой абавязак ўмацаваньня еднасьці і салідарнасьці ўнутры патрыяршых Сінодаў.
Папа нагадаў словы свайго папярэдніка Бенядыкта XVI, якім той у Апостальскім настаўленьні “Ecclesia in Medio Oriente” (“Царква на Блізкім Усходзе”) апісаў постаць Зьверхніка Царквы: “Вы, — сказаў ён, — чуйныя вартаўнікі сулучнасьці і слугі царкоўнай еднасьці”, якая знаходзіць сваю поўню “ў непахіснай еднасьці з Біскупам Рыму”, укаранёнай у царкоўнай сулучнасьці (ecclesiastica communio), атрыманай пасьля абраньня. А ўключэньне праз сулучнасьць у Хрыстова Цела павінна спрыяць ўсьведамленьню абавязку “умацоўваць еднасьць і салідарнасьць”.
Далей Сьвяты Айцец распавёў пра крытэры таго, што зьяўляецца неабходным, каб “сьведчаньне было верагодным”. Для гэтага варта заўсёды шукаць “праведнасьці, пабожнасьці, веры, любові, цярплівасьці, лагоднасьці”. Гэта вымагае “устрыманага стылю жыцьця па прыкладзе Хрыста”, як таксама і “нястомнай руплівасьці ды брацкай і адначасова бацькоўскай міласэрнай любові”, якой ад Зьверхніка Царквы чакаюць біскупы, сьвятары і вернікі, асабліва, калі жывуць ва ўмовах грамадзкай адасобленасьці, пакінутасьці.
“Маю на ўвазе, перадусім, нашых сьвятароў, якія маюць патрэбу ў разуменьні і падтрымцы, у тым ліку і на асабістым узроўні”, — сказаў Сьвяты Айцец. — Яны маюць права ўбачыць у нас добры прыклад як у служэньні Богу, так і ў кожнай іншай царкоўнай дзейнасьці. Яны чакаюць ад нас празрыстасьці ў кіраваньні маёмасьцю і ўважлівага клопату пра ўсякую патрэбу”. Рэалізацыі ўсяго гэтага можа спрыяць прынцып сінадальнасьці, што зьяўляецца характэрнай рысай Усходніх Цэркваў. Напрыканцы Папа засьведчыў сваю адкрытасьць і ўдзячнасьць за прапановы ярархаў адносна жыцьця і дзейнасьці Царквы. Ён таксама папрасіў маліцца за яго і пажадаў сабе, патрыярхам і вярхоўным архібіскупам Божай дапамогі і апекі Найсьвяцейшай Багародзіцы, каб змаглі ажыцьцявіць сваё пакліканьне.
Затым кожны са Зьверхнікаў Усходніх Каталіцкіх Цэркваў распавёў пра стан царкоўнай супольнасьці, якую ён узначальвае.
Фота: L'Osservatore Romano.
Фота: L'Osservatore Romano.
Гл. таксама:
Ярархі Ўсходніх Каталіцкіх Цэркваў: разьдзяленьне Царквы Хрыстовай — анамалія, якую нельга лічыць нормай жыцьця
У Ватыкане пачаў працу Надзвычайны Сінод пра сям’ю
Кампанія Ватыкану за мір і твіт Папы з нагоды завяршэньня Чэмпіянату сьвету па футболе
Папа — ахвярам сэксуальнага злоўжываньня духавенства: “Прашу прабачэньня і плачу разам з вамі”
Зьверхнік УГКЦ распавёў Сьвятому Айцу пра “боль ўкраінскага народу”
Гэты артыкул чыталі 155 разоў (-ы)
