У манастыры сьв. Герарда айцоў рэдэмптарыстаў усходняга абраду ў м.Кахавіна, што каля Львову, 19 жніўня 2007 году – на сьвята Перамяненьня паводле юльянскага календара – свае першыя манаскія прырачэньні склаў брат Зьміцер Чарнэль, які паходзіць з Гарадзенскай грэка-каталіцкай парафіі Маці Божай Фацімскай.

Сёньня ў рэдэмтарыстаў праходзіць фармацыю таксама бр. Апалінар Нікалаеў з Берасьця, які рыхтуецца праз год прыняць малую схіму (скласьці вечныя прырачэньні).